Düşmən cavab atəşi ilə susdurulub
Ermənistan silahlı qüvvələri avqustun 8-də səhər saat 9:30-dan başlayaraq, gecə saatlarına qədər, atəşkəs rejimini pozublar. Erməni ordusu Ermənistanın Berd rayonunun Çinari kəndi ərazisində yerləşən mövqelərindən Azərbaycan Ordusunun Tovuz rayonunun adsız yüksəklikləri, Koxa Nəbi və Ağdam kəndlərindəki mövqelərini, həmçinin Xocavəndin adsız yüksəklikləri və Kuropatkino kəndi, Füzulinin Aşağı Veysəlli kəndində yerləşən mövqelərindən ordumuzun üzbəüz mövqelərini avtomat və pulemyotlardan atəşə tutub. Müdafiə Nazirliyinin mətbuat xidmətinin məlumatına görə, bütün hallarda qarşı tərəf cavab atəşi ilə susdurulub, itki yoxdur. /ANS PRESS/
